ရန်ကုန်မြို့လယ်သို့ မရောက်ဖြစ်တာ နည်းနည်းကြာသွားတယ်။ လပိုင်းလောက်တောင်ရှိလိမ့်မည်။ အလုပ်ကိစ္စရှိမှပင် ထွက်ဖြစ်တော့သည်။ ဒီနေ့တော့ ဘာရယ်မဟုတ် မြို့ထဲလည်ချင်သဖြင့် ခပ်စောစောပင် အိမ်မှထွက်ဖြစ်ခဲ့၏။
သုံးဆယ့်ကိုး ဒေဝူးကားကြီးကို စီးပြီး ပန်းဆိုးတန်းမှတ်တိုင်မှာ ဆင်းလိုက်သည်။ အမှန်တော့ အမြန်ကားလေးစီးပြီး မဟာဗန္ဓုလပန်းခြံလမ်း အပေါ်လမ်းမှတ်တိုင်မှာဆင်းလျှင် သုံးဆယ့်သုံးလမ်း စာအုပ်တန်းနှင့် နီးနီးလေး၊ စာအုပ်ဟောင်းတန်း ဝင်မွှေချင်သောကြောင့် အောက်လမ်းဘက်ကို စီးသွားခြင်းဖြစ်၏။
